Өдгөө 84 настай Гленда Экин 2024 онд Теннесси мужийн Вестморланд ахлах сургуулиас тэтгэвэртээ гарчээ. Тэрээр тус сургуульд нийт 61 жил 43 хоног тасралтгүй ажилласан байна. Ажлын гараагаа багшаар эхэлж байсан тэрээр сүүлд нь сургуулийнхаа номын санчаар ажиллах болжээ. Экин өөрийн ажил амжилтын талаар "Би ажилдаа хайртай байсан. Өдөр бүр босоод сургууль руугаа явахаас хэзээ ч дургүйцэж байгаагүй" хэмээн сэтгэгдлээ хуваалцсан юм.
Тэрээр маш удаан ажилласан тул түүний нэгэн шавь нь сургуулиа төгсөж, улмаар тус сургуульдаа багш болоод, Гленда Экинийг тэтгэвэрт гарахаас бүр 10 жилийн өмнө өөрөө тэтгэвэртээ гарсан байна. Саяхан түүнийг Гиннесийн дэлхийн дээд амжилтын хорооноос "Нэг сургуульдаа хамгийн удаан ажилласан эмэгтэй багш"-аар албан ёсоор бүртгэж, баталгаажуулжээ.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!