Монгол Улс 2026 оны боксын насанд хүрэгчдийн Азийн аварга шалгаруулах тэмцээнийг эх орондоо хүлээн авахаар бэлтгэл ажилдаа ороод байна. Ази тивийн шилдэг боксчид өрсөлдөх тус тэмцээн энэ оны 3-р сарын 28-нд Улаанбаатар хотноо албан ёсоор эхлэх юм.
Монголын Боксын холбооноос мэдээлснээр, тивийн аварга шалгаруулах тэмцээний өмнөх хамтарсан бэлтгэлийг 3-р сарын 15-27-ны өдрүүдэд “Алтан Шонхор” цогцолборт зохион байгуулах гэж байна. Энэ нь тамирчдын хувьд тэмцээний өмнөх хамгийн чухал сорилго болох бөгөөд Казахстан, Узбекистан, Энэтхэг, Япон зэрэг боксын спортоор тивдээ төдийгүй дэлхийд тэргүүлдэг хүчирхэг орнуудын баг тамирчид оролцохоо мэдэгджээ.
Манай улс өмнөх олимпын наадмуудад үзүүлсэн амжилт болон залуу тамирчдынхаа ур чадварт тулгуурлан энэ удаагийн тэмцээнийг өндөр түвшинд зохион байгуулах зорилт тавьжээ. Тивийн хэмжээний энэхүү томоохон арга хэмжээг эх орондоо хүлээн авч буй нь үндэсний боксын хөгжил төдийгүй олон улсын хамтын ажиллагаанд үнэтэй түлхэц болох юм.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!