Дубайн агаарын хамгаалалт хэдий хүчирхэг ч Ираны 50 гаруй дрон, пуужин нэвтэрч нисэх буудалд цохилт өглөө
Иран улсын агаарын довтолгооны үеэр нэг баллистик пуужин, 50 гаруй дрон Дубайн агаарын хамгаалалтын шугамыг нэвтэрчээ.
Тодруулбал, АНУ болон Израилын цохилтын хариуд агаарын дайралтаа эхлүүлсэн бөгөөд бүс нутагт хурцадмал үйл явдлууд үргэлжилж байна. Дайралтын эхний өдөр Дубайн олон улсын нисэх буудлын 3-р терминал (Concourse) орчимд дрон дэлбэрч, барилга байгууламж эвдрэхийн зэрэгцээ дөрвөн ажилтан шархадсан юм. Үүнээс долоо хоногийн дараа буюу 2026 оны 3 дугаар сарын 7-нд Дубайн нисэх буудлын ойролцоо дахин дроны халдлага гарч, үүний улмаас "Emirates" тэргүүтэй авиа компаниуд нислэгээ түр хугацаанд зогсооход хүрээд байна.
2026 оны хоёрдугаар сарын 28-наас эхлэн Иран улс Арабын Нэгдсэн Эмират Улсын (АНЭУ) стратегийн чухал дэд бүтцүүд рүү пуужин болон дроноор довтолж эхэлсэн.
Одоогийн байдлаар Иран улсаас нийт 1400 агаарын довтолгооны хэрэгсэл харвасны дотор 186 баллистик пуужин, 812 дрон, 8 далавчит пуужин багтаад байгаа юм.
Эх сурвалж: BBC news
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!