Олон улсын судалгааны Tax Justice Network-ийн тайланд дурдсанаар дэлхий даяар жил бүр ойролцоогоор 480 тэрбум ам.долларын татвараас зайлсхийх үйлдэл гардаг. Үүний 312 тэрбум орчим ам.доллар нь олон улсын корпорацуудын ашиг шилжүүлэх аргаас, харин ойролцоогоор 170 гаруй тэрбум ам.доллар нь хэт чинээлэг хувь хүмүүсийн оффшор хөрөнгөөөс үүдэлтэй гэж тооцоолжээ.
Мөн (OECD)-ын судалгаагаар олон улсын корпорацууд ашиг орлогоо бага татвартай бүс рүү шилжүүлэх замаар дэлхий даяар жил бүр 100-240 тэрбум ам.долларын татварын орлогыг бууруулдаг гэж дүгнэсэн байна. Энэ нь ялангуяа хөгжиж буй болон бага орлоготой улс орнуудын төсөвт томоохон дарамт учруулж, нийгмийн үйлчилгээний санхүүжилтийг багасгадаг гэж үзжээ.
Иймээс олон улсын түвшинд Нэгдсэн Үндэстний Байгууллага болон OECD-ийн хүрээнд татварын ил тод байдлыг нэмэгдүүлэх, корпорацуудын ашиг орлогыг улс бүрээр тайлагнах, татварын мэдээлэл солилцох механизмыг сайжруулах зэрэг шинэ бодлого, хэлэлцээ идэвхтэй явагдаж байна. Шинжээчдийн дүгнэлтээр эдгээр шинэчлэл амжилттай хэрэгжвэл татварын орлогын алдагдлыг бууруулж, дэлхийн олон улс оронд боловсрол, эрүүл мэнд, нийгмийн хамгааллын салбарын санхүүжилтийг нэмэгдүүлэх боломж бүрдэх юм.
Тиймээс татварын шударга тогтолцоог бүрдүүлэх асуудал нь зөвхөн эдийн засгийн бодлого төдийгүй нийгмийн тэгш байдал, хүний эрх, тогтвортой хөгжлийг дэмжих дэлхийн хэмжээний чухал зорилт хэмээн олон улсын шинжээчид үзэж байна.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!