Хятад болон Хойд Солонгос зургаан жил завсарласны эцэст зорчигч тээврийн галт тэрэгний хөдөлгөөнийг дахин сэргээхээр боллоо
БНХАУ болон Хойд Солонгосын хоорондох зорчигч тээврийн галт тэрэгний хөдөлгөөн Пүрэв гарагт сэргэж, цар тахлын улмаас зургаан жилийн турш зогсоод байсан тээврийн холбоог дахин эхлүүлэх талаар Хятадын төмөр замын компани мэдэгдлээ.
Бээжин болон Пхеньян хоорондын галт тэрэг долоо хоногт дөрвөн удаа зорчих бол, Хятадын хилийн Дандун хотоос Хойд Солонгосын нийслэл рүү өдөр бүр үйлчилнэ гэж "China Railway" компани 3-р сарын 10-нд хийсэн мэдэгдэлдээ дурджээ.
Энэхүү галт тэрэгний үйлчилгээ нь "Хятад болон Хойд Солонгосын найрамдалт харилцааг бэхжүүлж буй хөдөлгөөнт гүүр юм" хэмээн тус компани онцолсон байна.
Хятад улс цар тахлын дараа хилээ бүрэн нээсэн хэдий ч Хойд Солонгосын хувьд хилээ аажмаар нээж байгаа бөгөөд 2024 оноос эхлэн хязгаарлагдмал тооны жуулчдыг нэвтрүүлж эхлээд байгаа юм.
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!