Хэдхэн хоногийн өмнө Ордонд нэгнээ хүзүүдэж унагаагаад л овилгогүй дүр төрх нь олонд ил болж, Ордны зодоон, талцалд ямар хурцадмал түвшинд хүрснийг илтгэж байлаа.
Энэ бодлыг маань батлах мэт бас нэг зодоон өнөөдөр өрнөж байгаа нь камерын дүрсэнд тусаад л өнгөрлөө. АН-ын Н.Лхагвадорж, Д.Мөнх-Эрдэнийг хоёулаа үзье, үзэлцье гээд барьж тавиад л байх юм.
Бүхэл бүтэн Монгол төрийн ордон тэд гудамжны хулгиануудын зодооны талбар болгох нээ. Ёс зүй төрийн хүний намба төрх, түшиг тулгуурыг мэдрэх цаг дахиж ирэх нь үү. Өнгөрсөн цагт л үлдчихэв үү.
Арван жилийн атаман нар хүртэл ил задгай зодолддоггүй, нурсан барилгад нуугдаж гар зөрүүлдэг байсан, айх, ичих булчирхайтай үе ард хоцорсон уу, үгүй юу.
МАН-ын дотоод зөрчил хүртэл сүүлийн хэд хоногт илүү тод харагдах боллоо. Яагаад гэнэт овилгогүй сагсуу олон хүн гараад ирэв, удирдагчдаа байна уу. Уг хүндээ юу.
Мөн сөрөг хүчин болох Ардчилсан Нам ч нэгдмэл бодлогоор ажиллаж чадахгүй, дотоод маргаан, байр суурийн зөрүүтэй хэвээр байгаа нь анхаарал татсаар.
Монголын улс төрд тогтвортой байдал, хариуцлагатай засаглал хэрэгтэй байгаа энэ үед УИХ дотоод зөрчлөө даван туулж, жинхэнэ утгаараа ард түмний төлөөлөл болж ажиллах шаардлага улам бүр тулгарч байна.
Удирдаж, базаж, улаан хэрүүлийг нь нам даран, намуухнаар холч бодлого шийдвэр гаргагч тулхтай хүн нэг л дутаад байна уу даа тэдэнд...
Сэтгэгдэл (0)
Одоогоор сэтгэгдэл байхгүй байна. Эхний сэтгэгдэлээ үлдээнэ үү!